Ohai Mario Rubén Álvarez - alva@uhora.com.py
Ha’ete riréma ndaikatumo’âveimaha, hasypeve hi’aju Guarani Ñe’ê Rerekua Pavê (Academia de la Lengua Guarani). Oñepyrûma oguata ha oheka haperâ.
Ñande Léi Guasu (Constitución) 1992-pe guaréva niko he’i ñane retâ ñe’ênguéra (guarani ha kastelláno) ojojaha... Péva kuatiápe rei. Opa henda rupi nunga ojehecha ha oñehendu kastelláno ojepurueteveha guaranígui.
Areterei niko umi ñande ypykuéra guarani ñe’ê oñembotapykue. Jurúpe ha’éicha ojehayhúva ndaipóri, ha katu pe oñeikotevêhápe ojechauka upeichaha, sa’i umi ojepytasóva hese.
Ñembotapykue ko ohomahinakuri ñemboyképe, mbeguekatúpe. Pe Tekome’ê Ñe’ênguéra Rehegua (Ley de Lenguas) osêva’ekue 2010 pahápema omoñepyrû tape pyahu; 2011-pe ojy Paraguái Ñe’ênguéra Rerekua (Secretaría de Políticas Lingüísticas).
Ha agâ ramo oî ko Guarani Ñe’ê Rerekua Pavê.
 mba’e mbeguete osyryry aja, guarani oiko iñakâre. Mombyrýma oho ha’eñorei. Oñe’êva ojapo chupe haperâ. Avave ndohechaukái oñe’êvape mamo rúpipa ohova’erâ oipurúvo guarani.
Ko’âgâ opáta upéva. Guarani Ñe’ê Rerekua Pavê he’íta mba’épa oî hendápe ha mba’épa nahániri oñeñe’êvo ha ojehaívo; omopeteîva’erâ guarani achegety (abecedario), oguenohêva’erâ guarani ñe’ê jepuru hekopete (gramática fundamental de la lengua), ojapova’erâ ñe’ê ryru (diccionario) ha he’iva’erâ mba’éichapa omongakuaáta iñe’éndy (vocabulario).
 mba’e rupi omombaretevéta guarani ikatu haguâ Paraguái iñe’êkói añetete.
Ñande niko ñañe’ê guaraníme ha katu ndajaleéi ha ndajaskrivíri pype. Ñañe’ê, jalee ha jaskrivírô pype pe kastellánope guáicha ñane retâre ikatu oje’e hendaitépe país bilingüe.
Heta ára oñemoingese ñane akâme ñañe’êgui guaraníme ñañe’êvaiha kastellánope. Péva japu. Ñañe’êvai kastellánope ñañembo’evaígui.
Oje’e avei ñañe’êgui guaraníme ñane mboriahuha. Péva avei japu. Ñande ñane mboriahu oîgui heta ára oisyrykupáva ha’eñónte pe ñane mba’e rangue. Ikatukuri ñañe’ê inglés, francés terâ sanscrito-pe. Upeichavérô jepe ñane mboriahutantevoi.
Academia de la Lengua Guarani pópe año noîrî ñane ñe’ê rekove. Tuicha oipytyvôta ojapórô pe ojapova’erâ. Ha katu ojepytaso mbareteva’erâ avei Secretaría de Políticas Lingüísticas ha Ministerio de Educación.
Guarani oñembo’evearâ ha oñembo’e porâvéarâ. Oñembo’eháicha agâ ha’ete ku ojeipotáva omano pya’e guarani.
