Umi ohova’ekue niko ñanemongueraipamakuri. Heta ñane mbotavy, oñembosarái ha oñembohory ñande rehe oï aja Cámara de Diputados ha Cámara de Senadores-pe.
Ojapo hikuái ojaposéva. H’aekuerántema voi pe tetä jára.
Ä oike pyahúva apytépe heta oï orrekutúva. Ha, upéicha rupi, ogueru hendivekuéra heta mba’e hi’ämava ndajahechavéi...
Ha umi oike pyahúva apytépe katu oïnte avei umi ndaha’éiva katuete jajeroviaite haguä. Ojekuaa chupekuéra he’iva’ekue ha ojapova’ekuére oguahë mboyve Congreso-pe.
Ä mba’ére, ndaipóri guasúi ñane akärakueterei haguä ha ñaimo’ä haguä umi parlamentariokuéra agägua ojeportaporävetaha umi parlamentario tujágui. Äva ko ojogua jeýnte avei umi oïva’ekue 2008 guive kokuehetepeve.
Jahechamimíma voi hína hembiapokuéra oñepyrüvo oguata. Pe Jurado de Enjuiciamiento de Magistrados ha Consejo de la Magistratura-pe omoï jevýnte hikuái umi ikuatia ky’áva, umi mba’eve ndojeikuaasevéimava chuguikuéra.
Péicharö, ñande Justicia ndohomo’äi tenonde oï jevýgui umi ndoipotáiva ñane retäme oï tekojoja añetete poguýpente. Jahecha jevýtante politikokuéra ojapórö ojaposéva Poder Judicial-pe.
Kóva he’ise jaha poräve rängue, jahavaivetaha jevýnte.
Parlamento “pyahu” oho jevýtante umi ohomava’ekue pypore ári. Polítiko tujukue —he’iháicha Emiliano R. Fernández— jevýnte ñane resambyhy.