Jahecha ha ñahendu umi soja ñotÿha ndopagaseiha impuesto, oñembotavyha hikuái. Reínte oipuruse yvy ha omoganáva chupekuéra heta viru. Pe ojekovraséva chupekuéra michírö jepe, ha’ekuéra ojetyvyro.
Péva niko naiporäi. Mba’éicha piko heta omono’öva pirapire ndoheja mo’äi el Estado-pe michimínte jepe oipuru haguä ñane mitänguéra iñarandumive haguä, ñane retäyguakuéra hesaïmive haguä ha jaguereko haguä tape iporäva jaha ha jaju haguä.
Ndaipóri tetä osëva’erä mboriahúgui umi heta oganáva ndopagáirö avei hetamive impuesto. Pe ha’ekuéra opagava’erä opagárö, Ministerio de Hacienda oguerekovéta viru ikatúva oipytyvö umi imboriahuvévape osë haguä pe oïhágui ha oñakärapu’ä.
Parlamentariokuéra niko ñande rekoviarä Parlamento-pe ojelegi. Kóva he’ise ha’ekuéra ñane representaha hína he’iháicha Constitución ndaikatúigui enterovéva jaguapy pe Congreso-pe.
Umi diputado ha senadorkuéra niko, agä peve, javota hesekuéra ha upéi hesaráima ñandehegui. Upévare, heta jevy, ha’ekuéra umi imbaretevéva ha umi ivirúveva rembijerure ha rembipotánte omotenonde. Hesarái hukuái ipuéulogui ha oñesupehë poguasukuéra rembipota rovái.
Hi’ä ko’ä oïva ko’ägä Parlamento-pe okambia de aytitu. Ha odefende odefendeva’eräme. Ha péicha ojapótarö, omoneï, oaprovava’erä léi ikatu haguä umi soja-re oñemboplátava opaga impuesto.
Estado oguerekomive ramo pirapirémante ikatu Paraguay osëmive ohóvo mboriahúgui.
