Mba’éicha joaitépa.
Agä guive ko vlóy rupive ñañomongetáta oñondive umi mba’e jaguereko ha jaguereko’ÿvare, ñane mbovy’a ha nañanembovy’áivare, oikóva ñane retäme ha tetä ambuépe... opa mba’e ñandepy’apýva térä jahecháva ojejapo poräre.
Upevarä jaipurúta ñane ñe’ë guarani. Yvy ápe ári ñande jajehecha ramo ñañe’ëre gueteri ñande ypykuéra Guarani ñe’ë.
Iporä upéicharö, jaguata ypy guive oñondive, ñamoesakämi ko mba’e sapy’ánte iñypytüva.
Umi ñanembovyroséva he’i ñandéve ñande paraguájo ñanemboriahuha ñañe’ëgui guaraníme. Ha ñañe’énterö jaikóvo, ñanemboriahuvétanteha jahavévo.
0ï he’íva jaiko poräve haguä ñañe’ëva’eräha syryrýpe inglés-pe. Péicharö ñoite ñasëta yvykuágui ha opoíta ñandehegui mboriahu okambúva ñande rehe jatevúicha.
Ä mba’e omosarambi ha ogueroviáva niko ojavy.
Peteï tetä niko naimboriahúi oñe’ëhaguére guaraní terä inglés-pe.
Imboriahu umi mburuvichakuéra oisambyhy vaígui hapichakuérape. Ha ha’ekuerakueténte ha umi ha’ekuéra ohovasávante, areterei guivéma, oisyrykúgui pe hovakyrakue, ho’upágui umi oguahëva’erä mo’ä hetavépe oñakärapu’ä haguä avei ha’ekuéra.
Upéicha rupi Paraguái-pe ndaheheta guasúi umi oï umi oguerekóva oguerekoséva guive. Ha hetaiterei oï imboriahúva, heta ára ndohupitýiva pe ohupityséva térä oñeha’äva’erä hesasëmeve oiko porämive haguä.
Ä imboriahúva ikatu oñe’ë inglés-pe, térä francés, kastellánopente, árave, alemán... ha upeichavérö jepe oiko asýtante.
Jeiko poräve nóïrï, upéicharö, ñañe’ëva térä nañañe’ëivare. Oï mburuvichakuéra resapyso, popotï, tetä rayhu ha katupyrýre.