23 de septiembre
Viernes
Parcialmente nublado con chubascos
17°
21°
Sábado
Chubascos
17°
25°
Domingo
Parcialmente nublado
21°
31°
Lunes
Parcialmente nublado
19°
31°
Avatar
Avatar
Bienvenido,
Cerrar Cerrar
Cerrar
Login/Registración
Búsqueda
Cerrar
viernes 23 de agosto de 2013, 15:32

Tape pyahu, nuevo rumbo

Por Mario Rubén Álvarez
0
Imprimir Agrandar Achicar

 

Omotenonde pyahútava ñane retä oñepyrühína hembiapo.  Hetáma jajoso ramo jepe ñane äkä jarovia nungágui umi oike ramóva Palacio de López-pe he'írö ñandéve omopu'ätaha Paraguay ha tuicha ñane mbotavy, iporä naha'ärö jevy toiko ä oúva he'íva ojapotaha.

Upévare, ñamaña pe ouva'eräre. Ñamañáro tapykue gotyo ho'áta ñande py'a yvýre. Jahechárö pe ikatúva äga guive jajapo oñondivepa, ñopytyvöme, kyre'ÿme ha äkarakúpe ñanembaretevéta ha ikatúne jajapo Paraguay iporä ha tuichavéva.

Mburuvichapavë Horacio Cartes niko he'ikuri omotenondetaha tape pyahu, nuevo rumbo. Ha umi ojapomimíva ojupi mboyve voi ha'ete vaicha ku ohechaukáva oñeha'ätava okumpli  iñe'ë. Ipytyvöhára aguïvéva, ministro ha'e ministrakuéra, niko ojehecha kuatiápe ikatupyryha. Ágä ohechaukava'erä ñandéve tembiapo ára ha araguápepa ivale avei hikuái.

Presidente de la República pyahu niko oprometekuri omba'apo jetu'utaha sa'ieteve haguä mboriahu. Péva he'ise sa'ietevetaha okarúrönte okarúva, ohóva Espáña-pe traváho reka, mitä ojeruréva viru semáforoipi, omanóva naipohä repyräigui, ohóva eskuélape ha hekovépe mamove ndohóiva, ijyvy'ÿva sintierrakuéra, omb'apo hetáva ha ogana'i, oipotáva ha ndaikatúiva ohupyty soyguégui pe hembipota.

Ndaha'éi výro ko Cartes he'iva'ekue ojaposeha. Hi'ä avei ipartído, Partido Colorado hetahápe oï ijuru'akuáva, ha'ekuérante okaruséva, imondáva, okovraséntava sueldo omba'apo'ÿre ha omyenyhëmbareíva institución públicakuéra oheja rängue hembyve pirapire ojepuru haguä tetä ñemopu'äme, avei añetehápe —ani diskúrsope reínte— toï hendive.

Ko tetä ñegoverna niko ndaha'éi mburuvichakuéra rembiapónte. Ñane rembiapo avei mamo ñaimehápe. Ñamba'apo, ñañemoarandu ha ñañemoaranduve, ñande popotïro, jahechakuaárö ñande rapicha nesesida ha ñaipytyvö ichupekuéra, ñande py'aguasúrö ani haguä ñaguerokirïrï injusticia, japagárö enterovetéa ñane impuesto ha oñondivepa jaheka tetä pyahu ñambotuichavéta ñane reta.

Tape pyahu oikórö mbeguekatúpe, maymáva jaipurúta, jaguatáta. Ha jaiko porä ha javy'avéta Paraguay-pe.

Comentarios
0 Comentarios